Girov götürülən BMT əməkdaşları sərbəst buraxıldı - YENİLƏNİB

Liviyada girov götürülən BMT əməkdaşları sərbəst buraxılıb.

APA-nın TASS agentliyinə istinadən verdiyi xəbərə görə, insident nəticəsində zərərçəkənlərin olmadığı bildirilir.

Məlumata əsasən, yerli tayfa başçıları ilə danışıqlardan sonra sərbəst buraxılan BMT əməkdaşları Tripoliyə yollanıb.

Bundan əvvəl BMT missiyasının 7 əməkdaşını girov götürən silahlılar Səudiyyə Ərəbistanı həbsxanalarından silahdaşlarının azad edilməsini tələb etmişdilər.

***

Liviyada “Əl-Qaidə” terror təşkilatı ilə əlaqəli silahlılar BMT missiyasının üzvlərini əsir götürüb.

APA-nın xəbərinə görə, bu barədə “Sky News Arabia” telekanalı məlumat verib.

Məlumata əsasən, hadisə Tripolidən 45 km qərbdə yerləşən Əz-Zəviyyə yaşayış məntəqəsində baş verib. İnsidentin təfərrüatları barədə hələ ki, məlumat verilmir.