[b]ABŞ dövlət katibinin birinci müavini bəlli oldu[/b]

ABŞ Senatı Con Sallivanın dövlət katibinin birinci müavini vəzifəsinə namizədliyini təsdiq edib.

APA-nın RİA Novosti agentliyinə istinadən verdiyi məlumata görə, C.Sallivanın namizədliyinin lehinə 94, əleyhinə isə 6 senator səs verib.

57 yaşlı hüquqşünas C.Sallivan “Mayer Brown LLP” konsaltinq şirkətinin rəhbərlərindən biri olub. Bundan əvvəl isə ədliyyə, müdafiə və ticarət nazirliklərində yüksək vəzifələr tutub, həmçinin ABŞ Ali məhkəməsində çalışıb.