“Mister və Miss Kids” yarışmasının final gecəsi baş tutacaq

1 iyun – Uşaqların Beynəlxalq Müdafiə Günü münasibəti ilə Azərbaycanda ilk dəfə “Mister və Miss kids” model yarışmasının final mərhələsi keçiriləcək. “Romance Hall”da baş tutacaq gecədə möhtəşəm səhnə tərtibatı, dəbdəbəli poduim, neon işıq effektlərindən istifadə olunacaq. Lent.az-ın məlumatına görə, tədbirin təşkilatçısı Sədaqət Rəşidqızının verdiyi məlumata görə, final yarışmasında kastinqlərə qatılmış 100-dən artıq iştirakçıdan 50-si iştirak etmək hüququ qazanıb: “Kastinqlərimizdə balaların həvəslə iştirakı bizi çox məmnun etdi. Həqiqətən də balalarla işləmək çox gözəl və zövqlü hissdir. Həm də çətindir. Final gecəsində iştirak edəcək hər bir seyrçi və fidan balalarımız gözəl bir şounun şahidi olacaqlar. Bunun üçün biz əlimizdən gələni edirik”.

S.Rəşidqızının sözlərinə görə, final gecəsində balalar 3 yaş qrupunda yarışacaqlar. Final gecəsinin iştirakçıları əsas mükafat – “Mister və Miss kids” və 7 nominasiya uğrunda mübarizə aparacaqlar. Qalibləri peşəkar münsiflər heyəti müəyyənləşdirəcək. “Romance Hall”dakı şounun fəxri qonaği estradamızın super starı Rəhim Rəhimli və onun RR şou komandası olacaq.

Qeyd edək ki, layihənin informasiya dəstəkçisi Lent.az-dır.