“Ukraynanı Belarusun aqibəti gözləyir”
28 noyabr 2013 20:02 (UTC +04:00)

“Ukraynanı Belarusun aqibəti gözləyir”

“Ukrayna Rusiya kreditlərinin müqabilində müasirləşmədən imtina edərsə, onu Belarusun aqibəti gözləyir.

APA-nın xəbərinə görə, bu sözləri Avropa Birliyinə sədrlik edən Litvanın prezidenti Dalya Qribauskayte Almaniyanın “Die Zeit” qəzetinə müsahibəsində deyib. O, assosiasiya sazişinin imzalanmamasının məsuliyyətini Ukrayna rəhbərliyinin boynuna qoyub.

 

Litva prezidentinin fikrincə, Kiyevin üzünü Moskvaya doğru çevirməsinin səbəbi Rusiya tərəfindən vəd edilən kreditlərdir: “Lakin pulu elə-belə vermirlər. Ukraynanın rəqabətə davamlılığı azalacaq, demokratikləşmə yavaşlayacaq, Kremldən asılılıq getdikcə daha güclü olacaq. Ukraynanı Belarusun taleyi gözləyir”.

 

D. Qribauskayte qeyd edib ki, AB-nin qapıları demokratikləşmə və iqtisadi islahat yolunda olan ölkələrə açıq qalacaq: “Lakin belə qərarlar üçün mərdlik və siyasi iradə lazımdır. Bu yoxdursa, “dostlar”dan asılı vəziyyətə düşürsən”.

 

Litva prezidenti xatırladıb ki, vaxtilə Litva da Rusiyanın təzyiqlərinə məruz qalıb, lakin boyun əyməyib. 

 

# 996
avatar

Oxşar yazılar