Türkiyədə kurortda DƏHŞƏTLİ YANĞIN: Ölənlərin sayı 76-ya çatdı - VİDEO

Türkiyədə Bolu bölgəsində yerləşən Kartalkaya xizəkçilik mərkəzində baş verən yanğın nəticəsində ölənlərin sayı 76-ya çatıb.

Lent.az "NTV"-yə istinadən xəbər verir ki, bu barədə Türkiyənin daxili işlər naziri Ali Yerlikaya bildirib.

Nazirin sözlərinə görə, yanğınla əlaqədar 9 nəfər saxlanılıb.

***
17:50

Boluda Kartalkaya Xizək Mərkəzində gecə saatlarında oteldə baş verən yanğında həyatını itirənlərin sayı 66-ya yüksəlib.

Lent.az-ın Türkiyə KİV-nə istinadla xəbərinə görə, yaralıların sayının 51 olduğunu açıqlayan səhiyyə naziri Memişoğlu deyib: "Yaralılardan birinin vəziyyəti ağırdır, 17-si evə buraxılıb".

Hadisə ilə bağlı biznes sahibi də daxil olmaqla 4 nəfər saxlanılıb.

***

10:12

Türkiyədə xizəkçilik mərkəzində ölənlərin sayı 10 nəfərə çatıb.

Lent.az xəbər verir ki, bu barədə Türkiyə mediası məlumat yayıb.

Məlumata görə, 32 nəfəri yaralanıb. Yanğının söndürülməsi işləri davam etdirilir.

Qeyd edək ki, mərkəz Türkiyədə Bolu bölgəsində yerləşir. Yanğın həmin ərazidə yerləşən Kartalkaya xizək kurortu ərazisindəki hotellərdən birində baş verib.