19:01 17 yanvar 2021

Tramp və Putinin görüşü zamanı tərcüməçinin qeydləri hara gedib? - ÜSTÜ AÇILDI

madeyra

ABŞ-ın hazırkı prezidenti Donald Tramp prezidentliyi tarixində onu təhdid edə biləcək sənədlərin saxlanılması qaydalarına qarşı ehtiyatsız davranıb.

APA bildirir ki, bu barədə “Associated Press” xəbər verir.

Bildirilir ki, Trampın "sənədləri cırmaq və sonra atmaq vərdişi" var. Bu səbəbdən də Ağ Evin sənədlərlə işləyən əməkdaşları onları saatlarla bir-birinə yapışdırmaq məcburiyyətində qalırlar.

Agentliyin bildirdiyinə görə, Ağ Evdəki qeydlərin düzgün qorunmaması ilə bağlı narahatlıq var.

Ağ Evin arxiv analitiki Solomon Lartie agentliyə bildirib ki, Trampa deyildi ki, bunu etməsin, amma dayandırmaq mümkün olmadı.

Agentlik, Trampın 2017-ci ildə Hamburqda Rusiya Prezidenti Vladimir Putinlə görüşündə iştirak edən bir tərcüməçinin qeydlərini "ələ keçirdiyini" bildirir.

Bundan başqa, bildirilir ki, Trampın əməkdaşları yazışmalar zamanı şəxsi e-poçtdan və  mesajlaşma tətbiqlərindən istifadə etdilər. Medianın yazdığına görə, Ağ Evin keçmiş müşaviri Don Makqan 2017-ci ilin fevralında Trampın əməkdaşlarına bu cür şübhəli tətbiqetmələrdən imtina etmələrini bildirib.

Bununla belə bildirilir ki, Trampın sənədlərin saxlanmasını tələb edən qaydalara əməl etməməsi heç bir qanuni məsuliyyət yaratmır.

# 2451
avatar

Oxşar yazılar