Avstraliyanın Kvinslend ştatında Kennedi çayı sahilində balıqçı müəmmalı şəkildə yoxa çıxıb.
Lent.az xarici mediaya istinadla bildirir ki, axşam saatlarında bir kişi çayın sahilində balıq tuturmuş. Bu zaman yaxınlıqdakı turist düşərgəsinin sakinləri qışqırıq və mübarizə səsləri eşidiblər. Sonra kişi yoxa çıxıb.
Ehtimal olunur ki, balıqçı çaya yıxılıb və timsah onu yeyib.
Polis və xilasetmə xidmətləri 400 kilometr məsafədə yerləşən Kerns şəhərindən xilasedici helikopterlə axtarışlara başlayıb. Xilasedicilər əraziyə baxış keçirmək üçün piyada qruplar göndərsələr də, hələlik itkin düşən şəxsin izinə rast gəlinməyib.
Axtarışlar gecə boyu davam edəcək, səhər saatlarında Fövqəladə Hallar Dövlət Xidmətinin (FHN) də qoşulacağı bildirilib.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
