“Putin bu qədər güclü olacağımızı gözləmirdi” - Bayden nüvə zərbəsindən yazdı

ABŞ prezidenti Co Bayden Rusiyanın nüvə silahından istifadə ilə bağlı təhdidlərini məsuliyyətsizlik adlandırıb.

Lent.az xəbər verir ki, bu barədə ABŞ liderinin “The New York Times” qəzetində dərc olunmuş “Amerika Ukraynada nə edəcək və etməyəcək” adlı məqaləsində qeyd olunub..

Bayden bildirib ki, dünyada bir çox insan nüvə silahından istifadə ehtimalından narahatdır:

“Bununla belə, hələlik Vaşinqton Rusiyanın nüvə zərbəsinə hazırlıq əlamətini görmür. Hazırda biz Rusiyanın Ukraynada nüvə silahından istifadə etmək niyyətində olduğuna dair də heç bir əlamət görmürük”.

ABŞ prezidenti Rusiyanın nüvə silahına əl atacağı təqdirdə dəhşətli nəticələrin ola biləcəyini də istisna etməyib:

“Açığını deyim ki, nüvə silahından istənilən halda istifadə bizim üçün, eləcə də dünyanın qalan hissəsi üçün tamamilə qəbuledilməzdir və dəhşətli nəticələrə səbəb olacaq.

Bayden ABŞ-ın sonadək Ukrayna xalqının yanında qalacağını vurğulayaraq qeyd edib ki, çünki onlar “azadlığın qurbansız əldə edilmədiyini” başa düşürlər.

Sonda o, xüsusi olaraq diqqətə çatdırıb ki, Vladimir Putin Qərbin cavabının - bu qədər həmrəy və güclü olacağını gözləmirdi:

“Putun yanıldı. Əgər qarşıdakı aylarda bizim zəifləyəcəyimizi və ya parçalanacağımızı gözləyirsə, yenə də yanılır”.