Qazaxıstanın Dövlət Təhlükəsizlik Xidməti bundan sonra respublikanın keçmiş prezidenti Nursultan Nazarbayevin təhlükəsizliyini təmin etməyəcək.
Lent.az-ın xarici mediaya istinadla məlumatına görə, belə bir sərəncamı Qazaxıstanın hazırkı prezidenti Kasım-Jomart Tokayev imzalayıb, bu barədə dövlət başçısının saytında dərc olunub.
Avqustun 4-dən qüvvəyə minəcək.
“İnterfaks”ın məlumatına görə, qərara səbəb 2023-cü ilin fevralında Nazarbayev və onun ailə üzvlərinin statusunu və imtiyazlarını tənzimləyən “Qazaxıstan Respublikasının ilk prezidenti – Elbası haqqında” konstitusiya qanununun ləğv edilməsi olub.
Qeyd olunur ki, Nazarbayevin toxunulmazlığı qorunub saxlanılıb, ona Konstitusiya ilə təminat verilib. “Qazaxıstan Respublikasının Prezidenti haqqında” qanuna əsasən, o, lazımi xidmətləri olan mənzil və dövlət bağı, mühafizəçiləri, sürücüləri ilə şəxsi avtomobili, ölkə daxilində pulsuz səyahəti, tibbi xidmət və sanatoriya müalicəsi ilə təmin olunur.
Nazarbayev təxminən 30 il, 2019-cu ilin martına qədər Qazaxıstanın prezidenti olub.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
