İranda ürəksızladan EDAM:  13 il görmədiyi anasını belə öldürdü
04 sentyabr 2022 10:05 (UTC +04:00)

İranda ürəksızladan EDAM: 13 il görmədiyi anasını belə öldürdü

İranda bir ananın edamı dünya mediasının gündəmində olub.

Lent.az xarici KİV-ə istinadla xəbər verir ki, söhbət ötən ilin fevral ayında Rəşt şəhərində edam olunan Məryəm Kərimidən gedir. Belə ki, İranın Xəzər dənizi sahillərində yaşayan Məryəm Kərimi ilə həyat yoldaşı arasında tez-tez mübahisələr olurdu. Bu mübahisələr isə onların 6 yaşlı qızlarının yanında baş verirdi. Ancaq qız təbii ki, bunları başa düşmürdü. Məryəm Kərimi ərindən boşanmaq istəsə də, kişi bunu qəbul etmirdi. Nəhayət, vəziyyətindən cana doyan qadın bir gün atası Ebrahimə danışır.

Ebrahimin məsləhəti isə hər ikisinin sonu olur...

Belə ki, ata Ebrahim əvvəlcə kürəkəni ilə söhbət edir. Lakin bu nəticəsiz qalır. Belə olduqda, ata qızına ərini öldürməyi fikrini irəli sürür. Plana görə, Məryəm ərini öldürəcək, daha sonra isə Ebrahim qızı ilə birgə başqa şəhərə köçüb izi itirəcəkdilər. Məryəm atasının fikrini yerinə yetirdi. Onların başqa şəhər köçmələri də uğurlu oldu. Lakin, bir müddət sonra polis əməkdaşları hadisənin üstünü açdılar və ata-qız həbs edildilər.

Onların həbs müddətində isə 6 yaşlı qızları ata tərəfdən baba və nənəsinin yanında qaldı. Bir dəfə də olsun anasının üzünü görmədi. Həbsdə olan ata-qız isə 2009-cu  ildən 2021-ci ilədək nə vaxtsa azad olunacaqlarını düşünərək, müddətin bitəcəyini gözləyirdilər. Ancaq...

İran hüquq-mühafizə orqanları qətl törədən ata və qızı üçün edam cəzası təyin edir. Dövlətin qanunlarına görə, cinayət zamanı zərərçəkmiş tərəf “qana-qan” prinsipindən çıxış edir və bunun üsulunu da özü seçir. Ancaq qatil bağışlana da bilər. Bu isə zərərçəkmişə baş ucalığı gətirir.

Məryəmgilin işində də bu üsulu seçən şəxs axırıncı dəfə 6 yaşında üzünü gördüyü qızı oldu. Artıq həmin qızın 19 yaşı vardı. Onu da qeyd edək ki, qızın nənə-babası onun ata-anasının öldüklərini demişdilər.19 yaşlı qız anasının sağ olduğunu edamdan bir neçə dəqiqə əvvəl öyrənmişdi. Məryəm Kərimi beləcə 2021-ci ildə 13 ildən sonra ilk və son dəfə qızı ilə üz-üzə gəldi. Ancaq bu zaman Məryəm gözü bağlı şəkildə gətirildi. Cəmi bir neçə dəqiqə sonra 19 yaşlı qız 13 il üzünü görmədiyi, edam kürsüsünə çıxarılan, boğazında ip olan anasını həyatdan məhrum edəcəkdi. Beləliklə, qız təpiklə kürsünü vurub yıxdı və Məryəm Kərimi həyata gözlərini əbədi yumdu.

Ondan 1 il sonra da atası Ebrahim edam olundu.

İran İnsan Haqları Təşkilatının statistikasına əsasən, 2021-ci il ərzində ölkədə 330-dan çox insan edam edilib.

# 3249
avatar

Mehman Nəbiyev

Oxşar yazılar

İranda daha 9 nəfər həbs edildi

İranda daha 9 nəfər həbs edildi

3 dekabr 2022 , 22:38
Bəzi narkotiklərin təsirində olan sürücülər cəzalanmayacaq

Bəzi narkotiklərin təsirində olan sürücülər cəzalanmayacaq

3 dekabr 2022 , 19:58
İranda daha bir azərbaycanlı gənc edam olunacaq - FOTO

İranda daha bir azərbaycanlı gənc edam olunacaq - FOTO

3 dekabr 2022 , 09:32
DƏHŞƏTLİ YANĞIN :  İkisi uşaq olmaqla 3 nəfər öldü

DƏHŞƏTLİ YANĞIN : İkisi uşaq olmaqla 3 nəfər öldü

3 dekabr 2022 , 07:52
Avtobus uçuruma aşdı,  ölənlər var

Avtobus uçuruma aşdı, ölənlər var

3 dekabr 2022 , 06:57
Rəqibinə əsəbiləşən oyunçu onun burnunu dişlədi

Rəqibinə əsəbiləşən oyunçu onun burnunu dişlədi

3 dekabr 2022 , 04:11
Çempionata ev sahibliyi edən Qətər -  Cənnət, yoxsa Cəhənnəm?

Çempionata ev sahibliyi edən Qətər - Cənnət, yoxsa Cəhənnəm?

2 dekabr 2022 , 21:42
İranın əxlaq məmurunun qızından ƏXLAQA ZİDD FOTOLAR

İranın əxlaq məmurunun qızından ƏXLAQA ZİDD FOTOLAR

2 dekabr 2022 , 21:40