Türkiyə prezidenti Rəcəb Tayyib Ərdoğan İsveçdə Quranın yandırılması aksiyasını alçaq adlandırıb.
Lent.az xarici mediaya istinadla bildirir ki, o, təxribatçıların bununla heç nəyə nail ola bilməyəcəklərini deyib.
Ərdoğan Ankaranın Stokholmda baş verənlərə reaksiyasının son dərəcə sərt olacağını və Qərbin islamofobiya təzahürləri ilə mübarizə əzmini nümayiş etdirməyə başlayana qədər bu kursun davam edəcəyini vurğulayıb.
Qeyd edək ki, dünən, Qurban bayramının ilk günü bir nəfər Quran kitabından səhifələri cırıb, onlarla ayaqqabılarını silib, sonra kitabın içinə donuz əti qoyub yandırıb. Eyni zamanda aksiyanı 200-ə yaxın insan izləyib.