Dubayda yeni möhtəşəm göydələn tikiləcək

Məşhur “Avatar” filmindəki həyat ağacından ilhamlanaraq Dubayda yeni möhtəşəm göydələn tikiləcək.

Lent.az xəbər verir ki, “Eywa” adlı bu yaşayış kompleksi dəbdəbəli həyat tərzi üçün yeni məkana çevriləcək.

Dubay su kanalının sahilində tikiləcək bu göydələn Dubay şəhərinin mərkəzinə və Burj Xəlifəyə heyrətamiz mənzərə bəxş edəcək. Sahəsi 1510 m² arasında dəyişən 48 iki və beşotaqlı sahil iqamətgahına malik olacaq.

Layihənin ən diqqət çəkən cəhəti onun təkcə müqəddəs banyan ağacından deyil, həm də Çinin Hunan əyalətindəki Zhangjiajie Milli Meşə Parkında yerləşən simvolik Avatar Hallelujah dağından ilhamlanmasıdır.

Bildirilir ki, “Eywa” kompleksi kitabxanası və şəxsi şəlalələr kimi dizayn elementləri daxil olmaqla cəlbedici “vəhşi lüks” konsepsiyaya əsaslanır.

Bu yeni layihə restoran və mağazalarla əhatə olunacaq. Onun 2026-cı ildə açılacağı gözlənilir.