İsrail xaricdən marixuana alacaq
21 iyul 2011 11:18 (UTC +04:00)

İsrail xaricdən marixuana alacaq

İsrail xaricdən marixuana alacaq. Lent.az-ın “mignews.com” saytına istinadən verdiyi məlumata görə, Knessetin narkotiklərlə mübarizə üzrə komissiyasının sədri Taleb San deyib ki, İsrailə tibbi məqsədlər üçün marixuana lazımdır və bu marixuana xaricdən alınacaq.

Hazırda İsraildə tibbi məqsədlər üçün lazım olan marixuana yerli sahibkarlar tərəfindən yetişdirilir. Lakin İsrail polisi bu marixuananın qara bazara daxil olmasının qarşısını almağın çox çətin olmasından şikayətlənir. Polis hesab edir ki, əgər marixuana ölkəyə xaricdən gətirilsə, bu halda onun qara bazara daxil olmasının qarşısını almaq asanlaşar, eyni zamanda onun keyfiyyətinə və standartına nəzarət güclənər.

Qeyd edək ki, son statistikaya əsasən, İsrail Səhiyyə Nazirliyi ölkədə 6 min insana xəstəliklə bağlı marixuanadan istifadəyə icazə verib. 2016-cı ildə bu rəqəmin 50 min nəfərə çatacağı gözlənilir.
# 1321

Oxşar yazılar