BMT TŞ Suriya barədə qərar verə bilmədi
28 aprel 2011 09:50 (UTC +04:00)

BMT TŞ Suriya barədə qərar verə bilmədi

BMT Təhlükəsizlik Şurası Suriya ilə bağlı vahid mövqeyə gələ bilməyib.

Lent.az-ın “Exo Moskvı” radiosuna istinadən verdiyi məlumata görə, buna əsas səbəb Rusiyanın mövqeyi olub.

Rusiya Suriya prezidenti Bəşər Əsədin müxalifətə qarşı sərt davranışlarının beynəlxalq sülhə və təhlükəsizliyə təhdid yaratmadığını bəyan edib. Rusiya məhz xarici müdaxilənin Suriyada vətəndaş müharibəsinə yol açacağını vurğulayıb.

Bu arada Suriyada hakim BƏƏS Partiyasından kütləvi qopmalar başlayıb. 200 nəfərdən çox BƏƏS Partiyasının üzvü bu siyasi təşkilatın sıralarını tərk edib. Onlar Bəşər Əsəd rejiminin Dera şəhərində mülki əhaliyə qarşı qəddar davranışına etiraz olaraq bu addımı atdıqlarını bəyan ediblər.
# 482

Oxşar yazılar