Keçmiş sevgilinin dəhşətli planı

ABŞ-da dəhşətli olay baş verib. Lent.az-ın “CNN”ə istinadən verdiyi məlumata görə, qız sevgilisindən ayrılan 15 yaşlı Tyler Cekson tələyə salınıb.

Ayrıldığı qız sevgilisi onu sonuncu dəfə birlikdə axşam yeməyi üçün evlərinə çağırıb. Tyler Cekson onun könlünü qırmamaq üçün dəvəti qəbul edib. Ancaq keçmiş sevgilisinin evinə daxil olan zaman burada gözləmədiyi səhnə ilə qarşılaşıb.

Qızın yaxınları Tyler Ceksonu vəhşicəsinə döyərək öldürüb, sonra da cəsədini yandırıblar. Polis artıq qız və onun qardaşı da daxil olmaqla, 6 nəfəri saxlayıb.