PKK terrorçuları toya hücum edib, bəyi öldürdülər

PKK terror təşkilatı dünən İran-Türkiyə sərhədində yerləşən Begale kəndində keçirilən toy mərasiminə hücum çəkib.

Lent.az-ın “Milliyet” qəzetinə istinadən verdiyi məlumata görə, kəndə xərac toplamağa gələn "Hogir" kod adlı terrorçunun başçılıq etdiyi dəstə Berivan K. və Emrah S.nin toy mərasimində müqavimətlə üzləşiblər.

Terrorçular əvvəlcə kənddə hər ev başına 1500 lirə xərac istəyiblər. Kəndlilər çətin şəraitdə yaşadıqlarını və bu pulu verə bilməyəcəklərini söyləyiblər. Terrorçular bir həftə sonra yenidən gələcəklərini və pul verməyənlərin uşaqlarını aparacaqlarını bildiriblər.

Mübahisə böyüyüb və terrorçular bəylə gəlini özləriylə aparmağa cəhd göstəriblər. Kəndlilər buna qarşı çıxıblar. Bəy Emrah S. çaxnaşma zamanı terrorçulardan birinin silahını əlindən alıb və dəstəyə başçılıq "Hogir" kod adlı terrorçunu və "Dijvar Muş" adlı terrorçunu öldürüb, bir terrorçunu da yaralayıb.

Atışma zamanı bəy özü də ölüb, 4 uşaq isə yaralanıb. Təhlükəsizlik qüvvələri qarşıdurmadan sonra qaçan terrorçuları ələ keçirmək üçün əməliyyata başlayıb.