Romada növbəti seks qalmaqalı

Bölgə hökumətinin başçısı səlahiyyətlərindən əl çəkməli oldu
Uzun müddət baş nazir Silvio Berluskoninin özəl yaşamı, qızlarla keçirdiyi həyat barədə yazan və danışan italyanların diqqəti indi də Latsio bölgəsinin (bu bölgənin də paytaxtı Roma şəhəridir-red.) hökumətinin başçısı Piero Marazzoya yönəlib.

Lent.az-ın Türkiyənin NTV telekanalına istinadən verdiyi məlumata görə, paytaxt Romada Piero Marazzo terapevt qadınla cinsi əlaqədə olarkən 4 polis işçisi bunu gizli şəkildə kamera ilə qeydə alıb.
Sonradan 4 polis işçisi Piero Marazzonu şantaj edərək, ondan 8 min avro alıb. Bu durumdan iştaha gələn polislər sonradan bu görüntüləri mediaya 150 min avroya satmaq üçün hərəkətə keçiblər. Ancaq bu dəfə uğur onlardan yan qaçıb və həbs ediliblər.

Latsio bölgəsinin hökumətinin başçısı bu olayın üzə çıxmasından sonra səlahiyyətlərindən əl çəkdiyini bəyanlayıb. Onun səlahiyyətlərini hazırda müavini Esterino Montino yerinə yetirir.

Piero Marazzo yaydığı açıqlamada bildirib ki, zəiflik edib və ona görə də bu vəzifədə qalması düzgün deyil.