Misirdə iqtidarla müxalifət danışıqlar masasına oturdu
07 fevral 2011 16:57 (UTC +04:00)

Misirdə iqtidarla müxalifət danışıqlar masasına oturdu

Misirdə iqtidar və müxalifət təmsilçiləri ölkədəki xaotik vəziyyətdən çıxmaq üçün müzakirələrə başlayıb.

Lent.az-ın “trt.net.tr” saytının Azərbaycan versiyasına istinadən verdiyi məlumata görə, vitse-prezident Ömər Süleyman liberal yönümlü Vefd Partiyası, sol yönümlü Tagammu Təşkilatı, 25 yanvarda başlayan aksiyaların təşkilində yer alan qrupların yaratdığı komissiyanın təmsilçiləri, müstəqil siyasətçilər və Necib Seviris kimi iş adamları ilə görüşüb.

Müzakirələrdə 50 illik fasilədən sonra Müsəlman Qardaşlar Hərəkatı da qatılıb. İqtidar və müxalifət təmsilçiləri hüquqçu və siyasətçilərdən ibarət Konstitusiya Dəyişikliyi Komitəsinin yaradılması məsələsi ilə bağlı razılıq əldə edib. Hökumət sözçüsü Magdi Radi deyib ki, qurulmasına ən gec mart ayının əvvəlində başlanacaq komitənin həyata keçirəcəyi Konstitusiya dəyişiklikləri içərisində prezidentliyə namizədlərlə bağlı məhdudiyyətlərin aradan qaldırılması və dalbadal prezident seçilməyi məhdudlaşdıran maddələrin əlavə olunması da yer alacaq.
1 2 3 4 5 İDMAN XƏBƏRLƏRİ
# 607

Oxşar yazılar