Ermənistan Silahlı Qüvvələrinin Baş Qərargah rəisi qumara qurşanıb!

Ermənistan Silahlı Qüvvələrinin Baş Qərargah rəisi Yuriy Xaçaturovun mövqeyi zəifləyir. Lent.az-ın Ermənistanın “Çorrord inkişxanutyun” qəzetinə istinadən verdiyi məlumata görə, buna səbəb Baş Qərargah rəisinin qumara qurşanmasıdır.

Qəzet yazır ki, hər dəfə Yuriy Xaçaturovun qumarda böyük miqdarda pul uduzması barədə xəbər eşidəndə qeyzlənən müdafiə naziri Seyran Ohanyan qışqıraraq deyir ki, “Ermənistan ordusunda acınacaqlı durumun mövcud olmasının səbəbi budur”.

Müdafiə naziri məhz bu səbəbdən Baş Qərargah rəisinin oğlunun korpus komandirinin müavini postundan istefaya göndərib. Məqsəd Yuriy Xaçaturovu təcrid olunmuş vəziyyətə salmaqdır. Hazırda Baş Qərargah rəisinin bir çox səlahiyyətləri Seyran Ohanyana tabe olan generallar arasında bölüşdürülüb. Bu yolla müdafiə naziri vəziyyətə nəzarəti ələ almaq istəyir.

Ancaq məsələ ondadır ki, Ermənistanda az əvvəl qəbul olunmuş qanuna görə, bu ölkədə ordunun faktiki rəhbəri - birinci şəxs Baş Qərargah rəisidir, müdafiə naziri isə mülki postdur. Bununla belə, oğlunun korpus komandirinin müavini postundan uzaqlaşdırılması Yuriy Xaçaturovun Seyran Ohanyan tərəfindən əlacsız duruma salınmaqda olduğunu təsdiqləyir...