Rus əsgərini keşişlər hazırlayacaq

Lent.az-ın Rusiya mediasına istinadən verdiyi məlumata görə, ölkə patriarxı Kiril Kamçatkadakı hərbi dəniz bazasında olarkən bu haqda danışıb. Kiril həmçinin bildirib ki, dini xadimlər hələlik quru qoşunlarında və hərbi dəniz birləşmələrində xidmət göstərəcəklər: “Artıq prezident Medvedyevin qərarı ilə hərbi-dini qurumun yaradılması işləri yekunlaşmaq üzrədir. Yenilənmiş rus ordusunda hərbiçilərin mənəvi-psixoloji hazırlığı üçün əlimizdən gələni etməyə hazırıq. Biz bütün dinlərə hörmətlə yanaşırıq. Bundan sonra səyyar kilsə və məscidlər tez-tez sizin görüşünüzə gələcək”.

Rusiya Müdafiə Nazirliyinin məlumatına görə, orduda xidmət edənlərin üçdə ikisi özünü inanclı hesab edir. Hərbiçilərin 83 faizini pravoslav xristianlar, 8 faizini müsəlmanlar, 9 faizini isə digər dinlərə sitayiş edənlər təşkil edir.

Qeyd edək ki, 2009-cu ilin iyulunda Rusiya prezidenti Dmitri Medvedyev orduda din adamlarının da yer alması ilə bağı sərəncam imzalamışdı.