8,8 sm türk burnu, 1,2 metrlik dovşan, 240 kiloluq ana...

İngiltərənin “Sun” nəşriyyatında yeni “Ginnes 2011” kitabı nəşr olunub. Lent.az-ın ingilis mediasına istinadən verdiyi məlumata görə, hər il yenilənən kitabda bu dəfə xeyli dəyişikliklər var.

“Ginnes 2011”- in əsas özəlliyi heyvan rekordlarının sayının artmasıdır. Ən çox diqqət çəkən isə boyu 1 metr 20 santimetr olan Darius adlı dovşandır. Bundan başqa, sağlam uşaq dünyaya gətirən 240 kiloqram çəkili, amerikalı Donna Simpson ən ağırçəkili ana ünvanını qazanıb. Dünyada ən çox transfer təkliflərini rədd edən futbolçu rekordu da yenidir. Belə ki, Patrik Rielli adlı isveçli futbolçu 46 peşəkar klubdan təklif alsa da, hamısını rədd edib və buna görə də rekordlar kitabına düşüb.

Dünyanın ən uzunburun şəxsi isə türkiyəli Mehmet Özürəkdir. Burnunun uzunluğu 8,8 sm olan 61 yaşlı Özürək artıq 6-cı ildir ki, rekordlar kitabında yer alır.

“Ginnesin rekordalar kitabı” redaksiyası 1955-ci ildən fəaliyyət göstərir. Kitab 100 ölkədə, 37 dildə nəşr olunur.