Fransa xəstə şəxslərə vətəndaşlıq verməyəcək

Fransa parlamentinin aşağı palatasının milli məsələlər üzrə komissiyası polis, yaxud jandarmı öldürən immiqrantların ölkə vətəndaşlığından məhrum edilməsini nəzərdə tutan qanun layihəsini bəyənib.

Lent.az-ın “Reuters” agentliyinə istinadən verdiyi məlumata görə, Fransa hökuməti Parisin Qrenobl məhəlləsində bu ilin iyulunda xuliqanların polisə silahlı atəş açmasından sonra miqrasiya siyasətini sərtləşdirməyə qərar verib.

Həmin vaxt ölkə prezidenti Nikolas Sarkozi deyib ki, digər ölkələrdən gəlmiş və Fransa vətəndaşlığı almış şəxslər hüquq-mühafizə orqanlarının təmsilçilərinə hücum etdikdə, onları vətəndaşlıqdan məhrum etmək lazımdır.

Yeni qanun layihəsi Fransa vətəndaşlığı almaq üçün immiqrantların ölkə vətəndaşları ilə saxta nikaha girməsi hallarına qarşı da sərt cəzalar nəzərdə tutur. Eyni zamanda Fransa vətəndaşlığına qəbul edilən immiqrantların səhhətində problem olmaması da əsas şərtlər siyahısına daxil edilib. Bu, ölkənin sosial təminat sistemini əlavə xərclərdən azad etmək məqsədi daşıyır.

Qanun layihəsi sentyabrın 28-də parlamentin aşağı palatasında müzakirəyə çıxarılacaq.