“Facebook”a material yerləşdirən motosikletçini 4 il həbs və cərimə gözləyir

Lent.az-ın “clubic.com”a istinadla xəbərinə görə, bu dəfə “Facebook” 32 yaşlı fransızı işə salıb. Belə ki, motosiklet sürücüsü bir ay ərzində etdiyi qayda pozuntularını “Facebook” səhifəsinə və “You Tube”a yerləşdirib. Videoda onun 260 km/saat sürətlə radarın yanından ötməsi, yolda təhlükəli hərəkət törətməsi aydın görünür.

Polis bu avtoxuliqanı avqustdan bəri axtarsa dam nəhayət dünən tapa bilib. Ona qarşı “qəza vəziyyəti yaratma”, “başqaları üçün həyati təhlükə törətmə”, “sürət həddini 50 km/saat-dan çox aşma” və “cinayəti təbliğ etmə” maddələri ilə ittiham irəli sürülüb. Yerli qanunvericiliyə görə onu 4 il həbs, 45 000 avro cərimə, kompüterin və motosikletin müsadirə olunması gözləyir.

Fransa qanunvericiliyinə edilən son dəyişikliklə, “sürət həddini 50 km/dən çox aşma” inzibati xəta deyil, cinayət hesab edilir.

Vüqar Ələsgərov