Qardaşı baş məşqçini meydanda bıçaqladı! - FOTO

Sentyabrın 13-də Türkiyədə birinci liqada oynayan “Mersin İdmanyurdu” - “Samsunspor” futbol komandalarının saat 20:30 radələrində başlayan oyunu zamanı olay baş verib. Lent.az-ın Türkiyənin “Vatan” qəzetinə istinadən verdiyi məlumata görə, qonaq komanda “Samsunspor”un 1:0 üstünlük qazandığı oyunun birinci hissəsinin 42-ci dəqiqəsində tamaşaçıların cərgəsindən meydana bir nəfər enib.

Həmin şəxs “Mersin İdmanyurdu” komandasının baş məşqçisi Yüksel Yeşilovanın qarnına və ayağına bıçaq zərbələri endirib. Baş məşqçi yerə yıxılıb. Yaralanan Yüksel Yeşilovanı xəstəxanaya aparıblar.

Polis olaya müdaxilə edərək aqressiv şəxsi yaxalayıb. Onun baş məşqçinin böyük qardaşı Murat Yeşilova olduğu məlum olub. Murat Yeşilova olayın futbol oyunu ilə bağlı olmadığını, qardaşını namus məsələsinə görə bıçaqladığını bildirib.