Qorxulu virus Türkiyədə də yayılmağa başladı

Lent.az-ın Türkiyə mətbuatına istinadən verdiyi məlumata görə, bu barədə bu gün Türkiyə Səhiyyə Nazirliyi rəsmi açıqlama yayıb.

Məsələ ilə bağlı bu gün Nazirlər Kabinetinin üzvlərinin iştirakı ilə mətbuat konfransı keçiriləcək.

Qeyd edək ki, Qərbi Nil xəstəliyi Azərbaycan sərhədlərinə yaxınlaşır. İyulun 16-dan sentyabrın 1-dək Rusiyanın Volqoqrad vilayətində 206 nəfər Qərbi Nil qızdırma xəstəliyinə yoluxub. Xəstələrin sayı günbəgün artır. Volqoqrad vilayətində artıq 6 nəfər ölüb. Yoluxma hallarına Həştərxan, Voronej və Rostov vilayətlərində də rast gəlinib. Ümumiyyətlə, virus Rusiyanın cənub vilayətlərində daha sürətlə yayılır və Azərbaycan sərhədlərinə yaxınlaşır.

Qeyd edək ki, öldürücü təhlükəyə malik virus adi ağcaqanadlar vasitəsi ilə yayılır. Virus beyin və əsəb sistemini sıradan çıxarır. Xəstəliyə qarşı dərman yoxdur. Virusun inkişaf dövrü 5 gündür. Yoluxan şəxsin hərarəti sürətlə yüksəlir. Virus uşaqlar və 50 yaşdan yuxarı olan şəxslər üçün daha təhlükəlidir.

Böyük fateh Makedoniyalı İsgəndərin ölümünün səbəbi də məhz Qərbi Nil virusuna yoluxması olub.