Obama vədinə əməl etmədi

Lent.az-ın “Exo Moskvı” radiosuna istinadən verdiyi məlumata görə, prezident Barak Obama Kubaya qarşı iqtisadi sanksiyaların müddətini uzadıb.

Kubaya qarşı sanksiyalar düşmənlə ticarətə dair 1961-ci ildə qəbul edilmiş qanuna əsaslanır və hər il müddəti uzadılır. İndi Kubaya qarşı iqtisadi sanksiyalar ən azı 2011-ci il 14 sentyabra qədər qüvvədə olacaq. Barak Obamanın imzaladığı memorandumda vurğulanır ki, sanksiyaların müddətinin uzadılması ABŞ-ın milli maraqlarına cavab verir.

Qeyd edək ki, Barak Obama seçkiöncəsi çıxışlarında Kuba ilə münasibətləri yaxşılaşdıracağını söyləmişdi. Prezident seçildikdən sonra isə Havana ilə münasibətlərin yaxşılaşdırılması üçün bu ölkədəki siyasi məhbusların həbsxanalardan buraxılmasını və insan hüquqlarının qorunmasını şərt qismində irəli sürür.