Maykl Ceksonun oğlu atasının nadir xəstəliyinə tutulub
01 iyul 2010 12:30 (UTC +04:00)

Maykl Ceksonun oğlu atasının nadir xəstəliyinə tutulub

Maykl Ceksonun böyük oğlu, 13 yaşlı Prins Maykl Cozef Cekson atasının tutulduğu nadir vitiliqo xəstəliyindən əziyyət çəkir. Lent.az-ın “The Daily Mail”ə istinadən verdiyi məlumata görə, bu xəstəlik dərinin piqmentasiyanın pozulmasına və nəticədə melaninin yox olmasına gətirib çıxarır.

Qəzet Prins Mayklın şəkilini də dərc edib. Həmin şəkildə uşağın bədənində ləkə aydın görünür. Fotoqraf onu Havay adalarında bacı və qardaşı ilə hovuzda üzən zaman çəkib.

Xatırladaq ki, Maykl Cekson sağlığında dəfələrlə bəyan edib ki, onun dərisi plastik cərrahiyyə əməliyyatı nəticəsində deyil, nadir xəstəlik səbəbindən ağarıb. İndi isə Prins Mayklda da bu xəstəliyin əlamətləri özünü biruzə verir. Bu, həm də, onun həqiqətən də Maykl Ceksonun doğma oğlu olduğunu sübut edir. Qeyd edək ki, uşağın anası Ceksonun ölümündən sonra oğlanın müğənninin oğlu olmadığını iddia etmişdi.

Hkimlər bildirirlər ki, vitiliqo əsəb-endokrin pozulmasının nəticəsidir. Güman edildiyinə görə, Prins Maykl bir il əvvəl atasını itirəndən sonra əsəbləri gərginləşib və o, xəstəliyə tutulub.
# 700

Oxşar yazılar