Seks qarşılığında tikinti icazəsi alan türk həbs olunacaq

Vollogong Bələdiyyəsinin şəhər planlaşdırılması şöbəsinin xanım müdiri Bülent Tabakın onunla cinsi əlaqədə olduğunu söyləyib

Avstraliyanın Volloqonq Bələdiyyəsində şəhər planlaşdırılması şöbəsinə rəhbərlik edən Beth Morqan 14 şirkətin rəhbərinə seks qarşılığında tikinti icazəsi verib.

Lent.az-ın Türkiyənin “Vatan” qəzetinə istinadən verdiyi məlumata görə, məsələnin üstünün açılması ölkəni qarışdırıb.

14 şirkət rəhbərinin arasında türk əsilli Bülent Tabak da var. Bülent Tabak istintaqa ilk ifadəsində Volloqonq Bələdiyyəsində şəhər planlaşdırılması şöbəsinin xanım müdiri ilə cinsi əlaqəyə girmədiyini söyləyib. Ancaq Beth Morqan Bülent Tabakın ona bahalı hədiyyələr aldığını, evinin hamamını təmir etdirdiyini və onun cinsi əlaqədə olduğunu bildirib. Dünən Bülent Tabak ifadəsini dəyişdirib və Beth Morqanla sekslə məşğul olduğunu etiraf edib.

Yalan ifadə verdiyi üçün Bülent Tabakı 12 ay həbs cəzası gözləyir.