Gürcüstan Rusiya-Ermənistan qaz kəmərini satışa çıxarmağa hazırlaşır
30 iyun 2010 14:00 (UTC +04:00)

Gürcüstan Rusiya-Ermənistan qaz kəmərini satışa çıxarmağa hazırlaşır

Gürcüstan Rusiyanı Ermənistanla əlaqələndirən magistral qaz kəmərini satışa çıxara bilər.

Lent.az-ın “news.am” saytına istinadən verdiyi məlumata görə, hazırda Gürcüstan parlamentində müzakirəyə çıxarılmış qanun layihəsində bu kəmər özəlləşməsinə icazə verilməyən obyektlər siyahısından çıxarılıb.

Millət vəkili Laşa Tordiya deyib ki, Rusiya-Ermənistan qaz kəmərinin satılması dövlətin maraqlarına zidd olmayacaq, çünki “obyekt strateji əhəmiyyətə malikdir” qeydi köhnəlib.

Gürcüstan müxalifəti kəməri Rusiyanın alacağından ehtiyatlanır. Gürcüstan tranzit haqqı olaraq Rusiyadan Ermənistana ötürülən qazın 10 faizini alır.
# 407

Oxşar yazılar