ABŞ və Rusiya İrana məsələsində razılaşdı

Rusiya və ABŞ Şimali Koreya və İrana qarşı sanksiyaların gücləndirilməsi məsələsində razılığa gəlib.

Lent.az-ın BBC-yə istinadən verdiyi məlumata görə, ABŞ prezidenti Barak Obama bunu rusiyalı həmkarı Dmitri Medvedevlə görüşdən sonra keçirdiyi mətbuat konfransında söyləyib.

xatırladıb ki, iyunun əvvəlində BMT Təhlükəsizlik Şurası uranın zənginləşdirilməsi istiqamətində səylərini davam etdirən İrana qarşı sanksiyaların sərtləşdirilməsi məsələsinə baxıb və qərar verib. Təhlükəsizlik Şurasının Şimali Koreya ilə bağlı qətnaməsində isə bu ölkədən nüvə sınaqları keçirməmək, ballistik raketlər buraxmamaq, nüvə silahından imtina etmək və “6-lar” formatında danışıqlara qayıtmaq tələb olunur.

Ancaq ABŞ və Rusiya arasında Gürcüstan məsələsi ətrafında fikir ayrılığı yaranıb. Dmitri Medvedev deyib ki, bu fikir ayrılığı təhlükəsizlik məsələsini müzakirə etməyə mane olmayıb. Rusiya prezidenti ümid edir ki, yaxın vaxtlarda hər iki ölkənin qanunverici orqanı strateji hücum silahlarının məhdudlaşdırılması barədə razılaşmanı ratifikasiya edəcəklər. Dmitri Medvedev Barak Obama ilə müxtəlif məsələləri müzakirə etməyə həmişə hazır olduğunu da vurğulayıb.