Britaniyalı kişi naziri çadra taxtı

“Bu şey barədə “Quran”da yazılmayıb...”

Avropa Şurası Parlament Assambleyasnın (AŞ PA) deputatı, Böyük Britaniyanın Avropa məsələləri üzrə sabiq naziri Denis MacShane AŞ PA-dp Avropada islam, islamizm və islamafobiya hesabatı müzakirə olunarkən qalmaqallı davranış sərgiləyib.

Lent.az-ın “Milliyet” qəzetinə istinadən verdiyi məlumata görə, Denis MacShane çıxışı zamanı başına bir örtük keçirərək kürsüyə çıxıb. Qadınların istifadə etdikləri belə geyimlərin kişinin qadın üzərindəki hökmranlığını ifadə edən bir simvol olduğunu söyləyən deputat deyib ki, başına taxdığı bu şey barədə “Quran”da yazılmayıb.

Söz azadlığına tərəfdar olduğunu və geyim azadlığını da dəstəklədiyini dilə gətirən Denis MacShane çadra məsələsinin fərqli olduğunu vurğulayıb: “Ancaq din adı altında bir şey edilirsə, bu, Avropa Şurası və Avropa insan haqları ilə ziddiyyət yaradırsa, hamımız ayağa qalxaraq buna etirazımızı bildirməliyik”.

Avropa Xalq Partiyası qrupunun üzvü, AKP-çi millət vəkili Mehmet Saim Tekelioğlu isə ona etirazını bildirib və Denis MacShanenin yanaşmasını tənqid edib: “Belə bir hökmü necə verə bilirsiniz? Bu hökmü vermək bizim işimiz deyil, insanlar geyimlərində azad olmalıdırlar”.