Avropa Birliyinin sədri dəyişir

Avropa Birliyinə sədrlik iyulun 1-dən etibarən Belçikaya keçir.

Lent.az-ın “trt.net.tr” saytının Azərbaycan versiyasına istinadən verdiyi məlumata görə, Belçikanın baş naziri İves Leterme Avropa Birliyinə sədrliklə bağlı proqramlarını bu gün Brüsseldə keçirdiyi mətbuat konfransında açıqlayıb.

Aş nazir üzv ölkələr arasında davamlı iqtisadi inkişafın təmin edilməsi və Lissabon müqaviləsinin tətbiqi istiqamətində fəaliyyət göstərəcəklərini bildirib. Belçikanın xarici işlər naziri Stiven Vanaker isə Türkiyə ilə üzvlüklə bağlı müzakirələrindən danışıb. O deyib ki, müzakirə prosesində tələb olunan şərtlər yerinə yetirilərsə, üzvlük istiqamətində irəliləyiş qeyd oluna bilər: “Payızda hansı addımların atıla biləcəyi ilə bağlı çox çalışmaq məcburiyyətindəyik”.

Avropa Birliyinə üzvlüyün bir çox ölkə üçün müstəsna əhəmiyyətli fürsət olduğunu söyləyən xarici işlər naziri namizəd ölkələrin islahatları uğurla həyata keçirməsinin vacib olduğunu vurğulayıb.