Təhlükəli cinayətkar Yamaykada ələ keçdi

“Dudus” ləqəbli narkobaron onlarla insanın ölümündə günahlandırılır

Yamaykada məşhur narkobaron, “Dudus” ləqəbli Kristofer Kouk həbs edilib.

Lent.az-ın BBC-yə istinadən verdiyi məlumata görə, hüquq-mühafizə orqanları narkobaronu bu ilin mayından axtarırlar.
Bu müddət ərzində bir neçə dəfə narkobaronun tərəfdarları ilə polis arasında silahlı qarşıdurma baş verib, 70-ə yaxın insan həyatını itirib. “Dudus”u Yamayka paytaxtının yaxınlığındakı qəsəbələrin birində yaxalamaq mümkün olub.

Qeyd edək ki, Yamayka hökuməti bu ilin mayında məşhur narkobaronun ABŞ-a ekstradisiyası ilə bağlı qərar qəbul edib. Kristofer Kouk ABŞ-da bu vaxta qədər 10 nəfəri öldürmüş cinayətkar qruplaşma qurmaqda günahlandırılır. Narkobaron bu qruplaşmanı ABŞ-a kokain aparan digər cinayətkar qruplaşmaları sıradan çıxarmaq üçün formalaşdırıb. Cinayətkar qruplaşma silah alveri ilə də məşğul olub.