Milyonçuların sayı açıqlandı
23 iyun 2010 14:30 (UTC +04:00)

Milyonçuların sayı açıqlandı

Sərvət sahibləri daha çox sənət və digər kolleksiya əsərlərinə sərmayə qoymağa üstünlük verməyə başlayıblar


2009-cu ildə sərvəti 1 milyon dolları ötənlərin sayı artıb.

Lent.az-ın verdiyi məlumata görə, bu, “Merrill Lynch” təşkilatının açıqladığı İllik Dünya Sərvət Hesabatında əksini tapıb.

2008-ci illə müqayisədə 2009-cu ildə milyonerlərin sayı 17 faiz artıb və 10 milyona çatıb. Onların sərvətlərinin ümumi həcmi isə 18,9 faiz çoxalıb və 39 trilyon dollara çatıb.

Milyonçuların sayının belə sürətlə artmasında Asya-Sakit okean hövzəsi ölkələri böyük rol oynayıb. Asiya-Sakit okean bölgəsi 3 milyon milyonçusu ilə Avropaya çatıb. Asiya-Sakit okean hövzəsi ölkələrində yaşayan milyonçuları sərvətlərinin ümumi dəyəri isə Avropalı milyonçularının ümumi sərvətlərinin dəyərini keçib. ABŞ, Kanada və Meksikanın yerləşdiyi Şimali Amerika isə milyonçularının 10,7 trilyon dollar sərvəti ilə dünyanın ən varlı bölgəsi olub.


Qardaş Türkiyədə 2008-ci illə müqayisədə milyonçuların sayı 2 min 200 nəfər artıb və 35 min 900 nəfərə çatıb. Əllərindəki sərvətin dəyəri də 2 dəfə artıb.


10 milyon milyonçunun yalnız 1 faizi ultra milyonçular siyahısındadır. Söhbət sərvəti 30 milyon dolları keçənlərdən gedir.


Onu da deyək ki, son vaxtlar milyonçular maliyyə sektorundan daha çox sənət və digər kolleksiya əsərlərinə sərmayə qoymağa üstünlük verməyə başlayıblar.
# 2276

Oxşar yazılar