Amerikalı komandandan şok sözlər
23 iyun 2010 13:00 (UTC +04:00)

Amerikalı komandandan şok sözlər

Əfqanıstandakı ABŞ və NATO qüvvələrinin komandanı Barak Obamanın komandasını təhqir edib

Əfqanıstandakı ABŞ və NATO qüvvələrinin komandanı Stenli MakKristalın “Time” jurnalına müsahibəsində Barak Obama administrasiyasını təhqir etməsi Vaşinqtonda aləmi qarışdırıb.

Lent.az-ın BBC-yə istinadən verdiyi məlumata görə, həmin məşhur müsahibənin yer aldığı jurnal bu həftənin cümə günü işıq üzü görəcək.

Ancaq BBC indidən jurnaldakı mənbələrə istinadən Stenli MakKristalın bir çox ifadəsini dərc edib. Həmin müsahibəsində 55 yaşlı general deyib ki, Ağ Evdə kimlərin oturduqları barədə fikirləşmək lazımdır. Stenli MakKristal vitse-prezident Co Baydenin soyadının belə gülməli olduğunu söyləyib, milli məsələlər üzrə məsləhətçini isə axmaq adlandırıb.

Müdafiə naziri Robert Qeyts generalın davranışının yolverilməz olduğunu vurğulayıb. Stenli MakKristal isə artıq üzr istəyib, hirsli olduğu üçün müsahibəsində belə sözlər dilə gətirdiyini qeyd edib. O, artıq istefa barədə ərizə də yazıb.

Lakin prezident Barak Obama əsəbiləşməkdədir. Generalı Ağ Evə çağıran Barak Obamanın hansı qərar qəbul edəcəyi bilinmir.
1 2 3 4 5 İDMAN XƏBƏRLƏRİ
# 414

Oxşar yazılar