Türkiyədə tunc dövründə neyrocərrahi əməliyyat aparılırmış!

Qara dənizin cənubunda, Ekiztəpə adlanan ərazidə tunc dövründə beyində neyrocərrahi əməliyyatın aparıldığını təsdiq edən obyekt aşkarlanıb. Lent.az-ın “New Scientist” jurnalına istinadən verdiyi məlumata görə, bunu türkiyəli alim Önder Bildgi söyləyib.

Türkiyədə tapılan obyekt eradan əvvəl XXXII-XXI əsrlərə aiddir. Bura gildən düzəldilmiş dairəvi platforma, eyni zamanda iki vulkan şüşəsi-obsidian daxildir. Obsidian kəskin bıçaq kimi kəsicidir. Alimlər bildirirlər ki, obsidian Ekiztəpəyə uzaq yerdən gətirilib. Çünki bu regionda obsidian yoxdur.

Vulkan şüşəsindən düzəldilmiş kəsici alət iki ağızlıdır, eni 4 santimetrdir. Alət bu gün də kəsicilik qabiliyyətini saxlayıb. Obyektin ətrafında saxlanılmış 700 insanın kəlləsi tapılıb. Bu kəllələrdən 14-də iti alətə məxsus izlər var. Bu kəllə sümüklərində vulkan şüşəsi ilə açılmış deşiklər var.

Qalıqlar göstərir ki, bu cərrahi əməliyyata məruz qalmış insanlar minimum 2-3 il yaşayıblar. Beyin sümüyündəki deşik cərrahi əməliyyatdan sonra bitişməyə başlayıb. Bunlar müasir neyrocərrahi əməliyyatların analoqudur. Bir neçə kəllənin üzərində qan izləri aşkarlanıb. Bu, beyindaxili qanaxmanın uğurla qarşısının alındığını göstərir.