Braziliya İran məsələsində vasitəçilikdən geri çəkildi

İranın nüvə proqramı ilə bağlı Türkiyə ilə birgə vasitəçilik missiyası yerinə yetirməyə cəhd göstərmiş, birgə sənədə imza atmış Braziliya artıq bu prosesdən çıxıb.

Lent.az-ın verdiyi məlumata görə, Braziliyanın xarici işlər naziri Celso Amorim bunu “Financial Times” qəzetinə müsahibəsində söyləyib.

İran məsələsinə görə ABŞ-la münasibətlərinin pozulmasını istəmədiklərini dilə gətirən xarici işlər naziri artıq İranın nüvə məsələsi ilə bağlı vasitəçilik missiyasında iştirak etməyəcəklərini söyləyib: Bizim ağzımız bir dəfə yandı. Hər kəs səylərimizin faydalı olduğunu söylədi, amma bəzilərinin buna “bəli: demədi. Bizdən vasitəçilik missiyasını yerinə yetirməyimizi istənilməyənə qədər bu məsələdə aktiv rol oynamayacağıq.

ABŞ administrasiyasının yüksək vəzifəli rəsmisi isə Braziliyanın bu addımını məmnuniyyətlə qarşıladıqlarını söyləyib.