İranlı general: “Müxalifət təcavüzkardan da təhlükəlidir”

İyunun 12-də İranda seçkidən sonrakı müxalifətin etiraz aksiyasının keçiriləcəyi gözlənilir. Müxalifət kimi, hakimiyyətdə bu aksiyaya özünəməxsus şəkildə hazırlaşır.
Tehran rəsmiləri yenidən qarışıqlığın baş verəcəyindən ehtiyatlanır.

Ehtimal olunur ki, ötən ilki prezident seçkisinin rəsmi nəticələrinə etiraz aksiyasının ildönümü günü müxalifət hakimiyyətə qarşı yeni güclə mübarizə aparsın.

İnqilab Keşikçiləri Qvardiyasının komandanı, general-mayor Cəfəri gözlənilən etiraz çıxışları ilə bağlı deyib: “Ötən ilki qiyam 8 aydan artıq sürmədi. Geniş miqyaslı beynəlxalq dəstəyə görə onların çıxışı Səddam Hüseynin təcavüzündən daha təhlükəli idi. Allahın köməyi və islam inqilabı peyğəmbərinin dəstəyi ilə biz həmin çətin mərhələni keçib, düşmənə başa saldıq ki, bizi islam inqilabı yolundan döndərmək mümkünsüzdür”.

Sədrəddin Soltan