Dünyanın ən böyük müsəlman ölkəsində seks qalmaqalı

Cənubi Asiyanın ən tanınmış ulduzları məhkəməyə çəkiləcək

İndoneziyanın ən məşhur üç ulduzunun seks qalmaqalı ölkəni qarışdırıb. Lent.az-ın “Milliyet” qəzetinə istinadən verdiyi məlumata görə, iki həftə əvvəl internetdə yayılan 8 dəqiqəlik bir kasetdə ölkənin ən tanınmış kino ulduzu Luna Maya ilə ölkənin rok ulduzu Ariel Peterpanın cinsi əlaqəyə girməsi nümayiş olunur.

5 ulduzlu bir oteldə Ariel Peterpan tərəfindən çəkildiyi güman olunan görüntü ilk dəfə “Facebook”da yayımlanıb və gündəmə bomba kimi düşüb. Əhalisinə görə dünyanın ən böyük ölkəsi olan İndoneziyada evli olmayan insanların cinsi əlaqəyə girmələri qanunla qadağandır. Luna Maya uzun zamandır ki, Ariel Peterpanın sevgilisi kimi tanınır.

Ancaq ölkə qanunlarını əsas götürən islamçı vəkillər və hüquq dərnəkləri cütlüyün yaxalanaraq həbsxanaya salınmasını tələb edirlər. Bu məsələ ölkə gündəmində əsas yer tutduğu bir vaxtda bu gün internetə daha bir bomba düşüb. Bu görüntüdə Ariel Peterpanın ölkənin ən nüfuzlu aparıcısı Cut Tari ilə sekslə məşğul olur.

Polis olayla bağlı araşdırmaya başlayıb, hər üç ulduz da bu günlərdə ifadə verəcək. İndoneziya tarixində ən böyük seks qalmaqalı olan bu olay tək ölkədə deyil, bütün Cənubi Asiyada diqqətlə izlənir. Çünki hər 3 şəxs həm də Cənubi Asiyanın ən məşhurlarıdır. “Video Luna Maya” kəlməsi də bu günlərdə internetdə ən çox axtarılan kəlmədir.