Bu gün İran bəd xəbər eşidəcək

BMT Təhlükəsizlik Şurasında cənub qonşumuza qarşı yeni sanksiyalar qəbul olunacaq

BMT Təhlükəsizlik Şurasında İrana qarşı yeni sanksiyaları nəzərdə tutan qətnamə layihəsi bu gün səsverməyə çıxarılacaq.

Lent.az-ın verdiyi məlumata görə, bunu “Reuters” agentliyinə adının çəkilməsini istəməyən Qərb diplomatı söyləyib.

O bildirib ki, artıq Rusiyanın da razılığı alınıb və İranla bağlı qətnamə layihəsi ilə bağlı BMT Təhlükəsizlik Şurasının üzvləri tam razılığa gəliblər və sənədin qəbulunda hər hansı problem olmayacaq.

Sanksiya İrana ixracı qadağan edilən silahların siyahısının genişləndirilməsini, bu ölkəyə yük aparan gəmilərin yoxlanılmasını əhatə edir. Eyni zamanda İranın 41 hüquqi şəxsi, o cümlədən ölkənin atom enerjisi üzrə qurumunun rəhbəri də “qara siyahı”ya düşüb. Məqsəd Tehranın uranın zənginləşdirilməsi proqramının dayandırılmasına nail olmaqdır.