Rus ordusunda dəhşətli olay!

Əsgərləri öldürüb, orqanlarını satırlar

Rusiya ordusunda müqavilə əsasında qulluq edən əsgərlər orqan satışı ilə məşğul olurmuşlar.

Lent.az-ın “Novaya qazeta”ya istinadən verdiyi məlumata görə, Bekinsk qarnizonunda 7 qəribə ölümlə bağlı aparılan araşdırma bunu ortaya qoyub.

Məsələn, bu əsgərlərin 7-ci qurbanı yeni hərbi xidmətə gələn Roman Suslov olub. O, hərbi xidmətinin ikinci günü öldürülüb. Roman Suslov ölümündən əvvəl həyat yoldaşına zəng vurub, müqavilə ilə qulluq edən əsgərlərin onu başqalarından təcrid etdiklərini, tualetə belə müşayiət etdiklərini söyləyib.

Növbəti gün qarnizonun komandiri Roman Suslovun anasına zəng açıb və oğlunun özünü asdığını bildirib. Komandanlıq tabutu açmağı qadağan etsə də, valideynləri tabutu açıblar. Roman Suslovun boğazında kəndir izi olmayıb. Əvəzində bədənində çoxlu sayda zərbənin yaratdığı qançırlar, bədənində böyük tikiş yeri aşkarlanıb.

Araşdırma zamanı məlum olub ki, müqavilə əsasında qulluq edən əsgərlər yeni hərbi xidmətə gələnləri öldürərək orqanlarını Çinə çatırlarmış.