Qırğızıstan Rusiyadan sülhməramlı istəmədi
18 iyun 2010 18:30 (UTC +04:00)

Qırğızıstan Rusiyadan sülhməramlı istəmədi

Dmitri Medvedev Qırğızıstanın müvəqqəti hökumətinin bu problemi həll edəcəyinə ümid bəsləyir

Qırğızıstan ölkədə qırğızlarla özbəklər arasında baş verən etnik toqquşmaların qarşısının alınması üçün Rusiyanın sülhməramlılar göndərməsi ilə bağlı istəyini geri götürüb.

Lent.az-ın verdiyi məlumata görə, Rusiya prezidenti Dmitri Medvedev “The Wall Street Journal”a açıqlamasında bunu dilə gətirib.

Dmitri Medvedev bildirib ki, Qırğızıstanın cənubunda baş verən qarışıqlıq və talançılıq bu ölkənin daxili problemidir. O, Qırğızıstanın müvəqqəti hökumətinin bu problemi həll edəcəyinə ümid bəslədiyini söyləyib.

Qeyd edək ki, rəsmi məlumatlara görə, Qırğızıstanda etnik toqquşmalar zamanı 200-ə qədər insan ölüb, 2000 civarında insan yaralanıb. Ancaq qeyri-rəsmi məlumatlarda ölənlərin sayının 2000 nəfərə yaxın olduğu bildirilir. Hökumət də ölənlərin sayının bir neçə dəfə artıq ola biləcəyini etiraf edib.
# 498

Oxşar yazılar