ABŞ İranın məktubunu bəyənmədi

Klinton: "Məktubda boşluqlar var"
ABŞ dövlət katibi Hillari Klinton İranın Beynəlxalq Atom Enerjisi Təşkilatına təqdim etdiyi məktubda boşluqlar olduğunu bəyan edib.
Lent.az-ın trt.net.tr saytının Azərbaycan versiyasına istinadən məlumatına görə, Pekində səfərdə olan Klinton orada jurnalistlərə verdiyi açıqlamada Beynəlxalq Atom Enerjisi Təşkilatına təqdim edilən məktubda beynəlxalq birliyin narahatliqlarını azaltmayan bəzi boşluqların olduğunu deyib.
Klinton İranın uranı 20 faiz zənginləşdirmə məqsədinin insanları ciddi şəkildə narahat etdiyini söyləyib.
ABŞ dövlət katibi Türkiyə, Braziliya və İran arasındakı anlaşmanın Təhlükəsizlik Şurasının həftələrdir müzakirə etdiyi qətnamə layihəsinin mətnini yayınlamaq üzrəykən imzalanması ilə bağlı ortaq fikir olduğunu vurğulayıb.
Klinton Çin rəsmiləri ilə də İrana yeni embarqolar tətbiq edilməsinə yönəlik qətnamə layihəsi ilə bağlı konstruktiv müzakirələr apardıqlarını bildirib.
Dövlət katibi 5+1 ölkələrinin İran qətnaməsi ilə bağlı əməkdaşlıqdan məmnun olduqlarını dilə gətirib.