CHP millət vəkili: “Dəniz Baykalın arxasındayıq”

“Partiyamıza qarşı tələ qurulub”

“Dəniz Baykalın başına gələn bu hadisəni daha sonra müzakirə edərik. İndi isə deməliyəm ki, biz Dəniz Baykalın arxasındayıq. O, Türkiyədəki sosial-demokrat hərəkatın lideridir. Partiyamıza qarşı bir tələ qurulmuşdu və Dəniz Baykal da buna qarşı öz mövqeyini bildirdi”.

Bu sözləri APA-nın Türkiyə bürosuna açıqlamasında Dəniz Baykalın 50 illik dostu, keçmiş dövlət naziri, İstanbul millət vəkili Alqan Hacaloğlu deyib. A.Hacaloğlu bu günə qədər CHP-yə çox tələlər qurulduğunu xatırladıb: “Biz bunun da öhdəsindən gələcəyik. 11 gündən sonra qurultayımız var. Partiyamızın daxilində cərəyan edəcək proseslər orada həllini tapacaq. Ancaq Dəniz Baykalın istefasına səbəb olan məsələni daim təqib edəcəyik. Hörmətli Baykalın geri qayıtması üçün imza toplanır. Xalqın tələbi məsələsinə münasibət qurultayda ortaya çıxacaq”.