Milyonçu xanım övladlarına dilənçi payı ayırdı

Keçən il Avstraliyada 81 yaşında vəfat edən milyonçu xanım Valmai Roşenin vəsiyyəti övladlarını şoka salıb.

Lent.az-ın “haberturk.com” saytına istinadən verdiyi məlumata görə, böyük əmlaka sahib milyonçu qadın vəsiyyətnaməsində 3 qızının hər birinə 1,5 dollar verilməsi istəyib.
Valmai Roşen vəsiyyətnaməsində qızlarının keçmişdə birləşərək onu öldürməyə çalışdıqlarını iddia edib və 3,5 milyon dollarlıq mal-mülkünü katolik xeyriyyə təşkilatına bağışlayıb.

1975-1977-ci illər arasında Adelaide vilayətinin valisi də olmuş Valmai Roşe 1983-cü ildə boşandığı ərinə də qızları kimi 1,5 dollar vəsiyyət edib.

Milyonçu xanımın qızları isə vəsiyyətnaməni etirazla qarşılayıblar. Həmin mal-mülkün onlara çatmalı olduğunu bildirən Deborah Hamilton, Fiona Roşe və Şauna Roşe adlı qızlar iddia edirlər ki, analarının psixoloji vəziyyəti vəsiyyətnamə hazırlanan dövrdə normal olmayıb. Qızlar məhkəməyə üz tutublar. Məhkəmənin gələn ay qərarını verəcəyini gözlənilir.