“Türkiyə-Ermənistan sərhədləri 1 həftəlik açılsın”

“Türkiyə-Ermənistan sərhədləri 1 həftəlik açılsın”. Lent.az-ın “news.am” saytına istinadən verdiyi məlumata görə, belə bir təşəbbüslə Van Ticarət-Sənaye Palatasının sədri Zahir Kandaşoğlu çıxış edib.

Zahir Kandaşoğlu deyib ki, sentyabrın 19-da Axtamar adasındakı Surb Xaç kilsəsi ziyarət üçün açıq elan olunacaq: “Bu, Türkiyənin şərq rayonlarında iqtisadi, sosial və mədəni proseslərə stimul verəcək. Sentyabrın 19-da ermənilərin Gürcüstan yolu ilə Vana kilsəni ziyarət etməyə gəlmələri onlara çətinlik yaradacaq”.

O xatırladıb ki, Türkiyə-Ermənistan protokolları imzalanarkən ilk dəfə Van Ticarət-Sənaye Pflatasının 40 nəfərlik nümayəndə heyəti ilə birlikdə may ayında Ermənistanda olub: “İrəvandan İqdır sərhəd-keçid məntəqəsinə 4 saatdır, ancaq biz İrəvana Gürcüstan ərazisi ilə 26 saata getdik. Ona görə də yaxşı olar ki, sentyabrın 19-dan başlayaraq ermənilərin Vana gəlməsi üçün sərhəd ən azı bir həftə açılsın. Əvvəllər də Türkiyə müxtəlif ölkələrlə sərhədlərini müvəqqəti açıb”.

Qeyd edək ki, Van gölündəki Akdamar adasındakı Surb Xaç kilcəsi Birinci Dünya Müharibəsi dönəmində Osmanlı dövlətinə qarşı xəyanətkar planlar hazırlayan daşnakların toplaşdıqları əsas mərkəz olub.