Bakiyev Belarusu seçdi
17 aprel 2010 13:00 (UTC +04:00)

Bakiyev Belarusu seçdi

Qırğızıstanın sabiq prezidenti bu ölkədən gələn siyasi sığınacaq təklifilə razılaşıb və Minskə yollanıb


Qırğızıstanın keçmiş prezidenti Kurmanbek Bakiyev bu gün səhər Qazaxıstandan Belarusa uçub.


APA-nın “İnterfax”a istinadən məlumatına görə, Bakiyevin təyyarəsi Qazaxıstanın Cambıl vilayətinin inzibati mərkəzi olan Taraz şəhərindən havaya qalxıb.


Xatırladaq ki, K.Bakiyev Taraza aprelin 15-də ailə üzvləri ilə birlikdə və Rusiya hərbçilərinin müşayiəti ilə gedib. Səfərdə məqsəd Qazaxıstan prezidenti Nursultan Nazarbayevlə görüşmək və Qırğızıstanda yaranmış vəziyyəti müzakirə etmək olub. Elə oradan K.Bakiyev Qırğızıstan prezidenti vəzifəsindən istefa verməsi haqda bəyanat yayıb. O, hələ Qırğızıstanda olarkən Belarus prezidenti Aleksandr Lukaşenko tərəfindən siyasi sığınacaq təklifi alıb.
# 125

Oxşar yazılar