Kurmanbek Bakiyevin qardaşının həbsi üçün əməliyyat keçirilir
17 aprel 2010 10:30 (UTC +04:00)

Kurmanbek Bakiyevin qardaşının həbsi üçün əməliyyat keçirilir

Qırğızıstanın cənubundakı Cəlalabad vilayətində ölkənin sabiq prezidenti Kurmanbek Bakiyevin qardaşı Janıbek Bakiyevin tutulması istiqamətində xüsusi əməliyyat keçirilir.


Lent.az-ın məlumatına görə, müvəqqəti hökumətin baş nazirinin müavini Azimbek Beknazarov jurnalistlərə açıqlamasında Janıbek Bakiyevin verdiyi sözü yerinə yetirmədiyini və hökumətə təslim olmadığını bildirib.


Sabiq prezidentin qardaşının saxlanılması ilə bağlı xüsusi əməliyyata Qırğızıstanın daxili işlər naziri səlahiyyətlərini icra edən Bolat Şərniyazov başçılıq edir. Janıbek Bakiyev Qırğızıstanın Dövlət Mühafizə Xidmətinin rəhbəri olub. Ölkənin yeni hakimiyyəti onu aprelin 7-də Bişkekin mərkəzində nümayişçiləri güllələməyə əmr verməkdə ittiham edir.



Janıbek Bakiyevə qarşı “kütləvi qətl törətmə” maddəsi ilə cinayət işi qaldırılıb.
# 341

Oxşar yazılar