Ermənilər hərbi sənaye komplekslərini işə salmaq istəyirlər
14 aprel 2010 11:30 (UTC +04:00)

Ermənilər hərbi sənaye komplekslərini işə salmaq istəyirlər

Ermənistan hərbi sənaye kompleksini yaratmaq istiqamətində tədbirlərə start verir. Lent.az-ın Ermənistan mətbuatına istinadən verdiyi məlumata görə, ötən gün baş nazir Artur Baqdasaryanın rəhbərliyi altında bu məqsədlə yaradılmış nazirliklərarası Komissiyanın ilk iclası keçirilib.

Toplantıda Ermənistan Hərbi Sənaye Kompleksinin (HSK) İnkişaf Konsepsiyası və HSK-nın fəaliyyətinə dəstək məqsədi ilə atılacaq addımlar müzakirə olunub. Konsepsiyanın yaxın 3 ay ərzində hazırlanmasına qərar verilib. Ermənistan və keçmiş sovet ölkələrinin müəssisələri arasında iqtisadi əlaqələrin dəstəklənməsinin vacib olduğunu qeyd edən A.Baqdasaryan HSK-nın başlıca məqsədinin müdafiə imkanlarının artırılması və silahlı qüvvələrin ölkənin öz hesabına təchiz edilməsi olduğunu vurğulayıb. O, rəhbərlik etdiyi nümayəndə heyətinin Rusiya və Belarusa səfərləri çərçivəsində bu sahədə ilk nəticələr əldə etdiyini və əməkdaşlıq istiqamətlərinin müəyyənləşdirildiyini deyib.

Qeyd edək ki, beynəlxalq hərbi mərkəzlərin hesabatlarına görə MDB ölkələrinin silahlı qüvvələri arasında ən çox xarici asılılığa malik olan Ermənistandır. Bu sırada sonrakı yerləri Tacikstan, Moldova və Qırğızıstan tutur. Ermənistanda bu göstərici 90%-dən çox təşkil edir.

Xatırladaq ki, 2000-ci illərin əvvəllərində Ermənistanın SSRİ-dən qalma bütün hərbi müəssisələri ölkənin borclarının silinməsi üçün Rusiyaya verilib. 2002-ci ildə dövlət borcunun müqabilində “Razdanmaş” QSC və “Mars” QSC – yə 56,29 mln. dollar, “İrəvan Riyazi Maşınlar Elmi Tədqiqat İnstitutu” QSC – yə 2,75 mln. dollar, “İrəvan avtomatlaşdırılmış idarəetmə sistemləri Elmi Tədqiqat İnsititutu” QSC -yə 3,37 mln. dollar, “İrəvan müşahidə cihazları Elmi Tədqiqat İnstitutu” QSC –yə isə 0,35 mln. dollar qiymət qoyularaq Rusiya şirkətlərinə “bağışlanıb”.

Rəşad
# 833

Oxşar yazılar

Dünyada ən təhlükəli nəqliyyat növü  budur

Dünyada ən təhlükəli nəqliyyat növü budur

28 mart 2024 , 16:57
DƏHŞƏT!  Yaşayış evi yandı, 3 uşaq həlak odu 

DƏHŞƏT! Yaşayış evi yandı, 3 uşaq həlak odu 

28 mart 2024 , 08:25
Apreldən qazın qiyməti  xeyli artacaq

Apreldən qazın qiyməti xeyli artacaq

28 mart 2024 , 06:51
Lotoreya oynadı, milyardlıq CEK-POT uddu 

Lotoreya oynadı, milyardlıq CEK-POT uddu 

28 mart 2024 , 01:30
İki kişi əlbir olub polisi soydu

İki kişi əlbir olub polisi soydu

27 mart 2024 , 20:39
Bu ölkədə 70 minə yaxın  dövlət qulluqçusu işdən çıxarılır

Bu ölkədə 70 minə yaxın dövlət qulluqçusu işdən çıxarılır

27 mart 2024 , 13:26
İranda daha bir polis öldürüldü  

İranda daha bir polis öldürüldü  

27 mart 2024 , 11:25
Bu ölkədə güclü zəlzələ oldu

Bu ölkədə güclü zəlzələ oldu

27 mart 2024 , 07:59