Qəzaya düşən qız ana dilini unutdu
13 aprel 2010 14:30 (UTC +04:00)

Qəzaya düşən qız ana dilini unutdu

Valideynləri qızları ilə tərcüməçi vasitəsi ilə danışmaq məcburiyyətində qalıblar


Dünən Xorvatiyanın Knin qəsəbəsində avtomobil qəzası nəticəsində komaya düşən 13 yaşlı qız Split Xəstəxanasına aparılıb.


Lent.az-ın “Daily Mail”’ qəzetinə istinadən verdiyi məlumata görə, adı açıqlanmayan qız 24 saat sonra komadan çıxıb.

Ancaq komandan çıxan qız öz ana dili olan xorvat dilində ona deyilən sözləri başa düşməyib. Ən qəribəsi odur ki, xorvat qız alman dilində öz-özünə danışmağa başlayıb. Qızın valideynləri bildiriblər ki, qızları az əvvəl alman dilini öyrənməyə başlayıb və almanca bir neçə cümlə öyrənməkdən o yana keçməyibmiş.


Həkim Djomir Marasoviç baş verən olay izah edə bilmədiklərini və bunu bir möcüzə kimi qəbul etdiklərini söyləyib. Məsələni araşdırmaq üçün Almaniyadan alimlər də dəvət edilib.


Qızları ilə danışa bilməyən valideynləri artıq almanca bilən bir tərcüməçi tutublar.
# 188

Oxşar yazılar